 放大圖片
■何鴻燊稱，農曆年港股有機會開紅盤。
大家都知澳博遲遲未能上市，三笑日前効工行收購澳門誠興銀行交割儀式時，看見賭王何鴻燊心情好靚，很樂於答記者問題，一提起澳博幾時可以上市，他即大聲說道﹕「澳博上唔到市可能要多謝十姑娘(意指其胞妹何婉琪)﹗若澳博真係依時上市，咁既)市真係唔知上好定唔上好，佢依家阻了我，咪即係幫助了我，我拖慢無乜所謂呀﹗我睇清香港的市況後，才上市都未遲﹗無問題呀﹗仲彻，我幾乎要請佢食飯﹗」
澳博睇清市況才上未遲
大家都知賭王說過恆指今年有機會升至30,000點，就今日市況，他會否調低目標價？賭王就話，農曆年港股有機會開紅盤，仲指「恆指起起跌跌唔緊要，前日又起，今日又跌，有上有落，係證明這是『好市』，有咁多人交易，我繼續睇好，但我還是勸喻市民要審慎，因為呢個市係由炒家控制，佢喜歡上就上，落就落，我一生都有買股票，但都是放在銀行由別人代管。」
次按對澳門賭業影響微
正當賭王講得興奮之際，有名外籍記者問了賭王如何看次按對澳門賭業的影響，他即用英語答，次按對澳門賭業影響不大，但卻無端端提到「今日好失望」，見到本地某份英文報紙寫了一篇指他旗下公司被懷疑涉洗黑錢的報道，還很大聲地以英語說﹕「證據是非常重要的，若你沒有足夠證據，就請你收聲﹗(Evident is the most important.If you don't have any evident, you'd better to shut up!」
賭王完全當了那名外籍記者是該份英文報紙的記者，搞到那記者很尷尬，查實人家是Dow Jones記者，賭王你今次罵錯人了。
|
放大圖片
