元宵意外收花 朱茵祝欣宜前途光明

放大圖片

　■傅穎、朱茵一同出席「綠色環保春妝展覽2008」。

　【本報訊】朱茵和傅穎（Theresa）昨日一起出席「The Body Shop綠色環保春妝展覽2008」，2人都設計了一件環保慨念的衫。朱茵表示今年與男友黃貫中共度元宵佳節，更收到Paul送給她的禮物和鮮花，而Theresa則謂自己近排喜愛網上購物，試過大出血花5位數買衫。

　朱茵和Paul在元宵佳節當日駕車出外，之後一齊回家煮飯仔，Paul悄悄地帶她到Band房送花給她驚喜，不過自己就沒有任何表示。今年已經是他們拍拖第9年，已經是一對老夫老妻，朱茵稱真正二人世界的時間不算很多。而談到肥姐逝世，她說多年前曾在兒歌金曲頒獎禮上見過面，肥姐令她最感動的是和欣宜的母女情，並在此衷心祝福欣宜前途一片光明。

Theresa無辜受害

　對於Edison退出香港娛樂圈，Theresa表示他有這個選擇一定經過深思熟慮，就當是給公眾一個交代，也是一種承擔，她希望事件盡快完結。「佢一定要講對唔住，至於佢私生活就不予置評。(你都係牽涉女星之一？)救命呀！件事未發生之前我係冇份，唔知點解發生之後先在那棵樹（Edison女友關係圖）出現，廣告客戶都問我係咪同件事有關，是真的話所有合作就要斬纜，好無辜囉。事實上我同Edison只係合作過一部戲，仲係冇對手戲，好彩他們都信我，否則唔知損失幾多位數。」

　在旁的朱茵也表示：「件事發展到這個地步，作為普羅大眾都覺得睇到悶，那時我和他合作過《色慾都市》。(點睇佢退出？)講乜都冇用，現在最重要係觀眾點睇，呢件事已經唔係娛樂新聞，已經變成社會問題。每件事都有兩面，事件警方仍調查緊，所以內情係點要佢本人先知。」