 放大圖片
■一向愛錫柏芝的向華強太太(中)，毫不留情狠批陳冠希道歉太遲。
【本報訊】一直有傳向太與張柏芝關係決裂，前晚向太出席bma春茗時，被問到疑似藝人的淫照風波時，向太毫不留情狠批陳冠希(Edison)道歉太遲，傷害人太多，她說：「永不會和陳冠希這個人合作！」相反向太就力撐柏芝，更透露柏芝早前也主動致電向她拜年，電話中她不覺得柏芝情緒有問題，被問到日後會否跟柏芝有合作，向太揚言一切都有可能，言談之中，足證她與柏芝之間關係很良好。
前晚向太與向生及兒子向佐一同出席春茗，記者問向太關於娛樂圈今次淫照風暴意見，問她有否看到Edison道歉及準備退出娛樂圈的決定？向太直言：「關我咩事，聽講出面反應好好，有人可憐佢，我就覺得無補於事啦！傷害咗可以一句cover番咩？咁樣好難既！不過道歉好過唔道歉！但係道歉得太遲！佢第一日就應該出嚟啦！
Sorry是沒有用的，被傷害的人已被傷害了，被傷害的人會原諒佢咩？唔單止被傷害的人慘，中港台警方也慘，你私人紀念畀人偷咗？要納稅人來煩！派200個差人出來，我們這些太太戴多些珠寶上街，講句『好驚呀』咁係咪都要有警察保護呀？成件事香港演藝界都覺得衰，搵人問我呢件事彻唔彻，我也答不出口。香港沒特產，只係出產明星。被傷害不只佢一個，咁樣讀下稿，say sorry就算？佢出得來太遲！令偷相人發出太多！現在全世界都有！」
柏芝電話拜年
問到向太是否有聯絡柏芝？向太說新年她在美國時，柏芝也有打過電話向她拜年，「拜年當然是開心的。」她承認與柏芝有聯絡，外間所有傳聞都是假，柏芝自殺等等，都是傳媒亂寫，「有人話我同林建岳密會啦，我都莫名奇妙，要告亂寫的人。」
記者追問向太，會否覺得柏芝肯讓Edison拍這些照很傻，向太說：「不要問我這些！我點會回答呢？我只可以答，阿嬌話自己年幼無知，好多人都會話年幼無知之下做錯事，失常心情下做錯事……但要原諒佢，要睇出發點。個男仔出發點唔係畀人睇，別人又點會知道？再去偷埋搵相，女仔係受男人氹。(係咪覺得Edison錯晒？)唔係，我唔係幫女仔，但係搵女仔點呀？嫁人嫁咗，有搵話就來結婚。有搵未嫁……將來係點，我唔知。」
一定再與柏芝合作
對於Edison宣告退出香港娛樂圈，向太毫不惋惜說，「有得佢話唔退出咩？香港觀眾仲睇佢呀？香港警方保護佢，我都覺得好奇怪啦。一般市民無論男女，第一日睇到搵相，係人已經話想打佢！(向太你係咪想打佢？)呢句係你講，唔係我講！我只係話呢個係好多人的直接反應！呢個風氣不能容忍！教壞細路！」
究竟柏芝現在情緒如何，向太說不要再問她，她不覺柏芝有問題。但她與柏芝聯絡的內容，談及什麼也沒必要向大家交待。(將來會否同柏芝合作？)，向太說：「我一定會同柏芝合作，一切也有可能。至於Edison，我就冇可能同Edison合作。好多人都合作過，一定係佢沒可能！」
|
放大圖片
