 放大圖片
■呂良偉今次吸引咁多人，皆因身邊有個六歲的醒目仔。
【本報訊】（記者 梁靜儀）近期流感爆發，食物及衛生局及教育局前晚突然宣布全港小學、特殊學校、幼稚園停課兩星期，已為人父的呂良偉對於學校停課甚為關注，認為措施算OK，始終流感演變得太快，醫療方面都未能跟得上轉變。
昨晨阿呂攜同六歲的兒子呂善揚到機場，乘機前往廣西探訪雪災災民，行程約四日。阿呂說：「相信兒子體能無問題，依家佢成兩個禮拜唔駛返學，不知幾開心，大解放咁，不過我都會帶定功課畀佢做。」阿呂表示這次已是第二次帶兒子去落後地區探訪，他希望兒子可以看不同地區人民的生活環境。此行他們除了到廣西探訪外，亦會往貴州山區的學校，他已準備二百對鞋送給學校的小朋友。
阿呂的兒子十分老積，但又不失可愛，風頭直逼爸爸。當善揚拿著咪高峰接受電視台訪問時又毫不怯場，在旁的阿呂便想上前幫他拿咪，豈料他即自信的說：「得啦，老竇，我自己嚟啦。」其後他又自爆有銀行戶口，但捐錢就由父親負責，逗得在場大人笑個不停。阿呂形容兒子在學校是開心果一名，很受老師、同學歡迎，比自己更甚。
|
放大圖片
