 放大圖片
■何韻詩精品店開張，好友鄭秀文和徐濠縈、劉浩龍剪綵道賀。
【本報訊】何韻詩在銅鑼灣某商場開設潮流精品舖「Hall 1 C Shop」，並於昨日請來父母、鄭秀文、徐濠縈、劉浩龍、At 17出席剪綵儀式，其中阿徐卻遲到半小時才出現，要眾人等她來才剪綵，活動吸引數百fans圍觀，更有fans晨早八時已來排隊掃貨。首次當老闆娘的阿詩表示舖頭只會開一個星期，不過就用了四個月來籌備，開店前一晚自己還親自執貨，雖然辛苦，但見到有好成績也很有滿足感。她又謂人流比預期中多出兩、三倍，所以也擔心貨唔夠，但入得太多又怕積存太多貨。
由於有某些貨品是限量出售，問她可擔心被人炒貨？阿詩笑說：「限量版的會每人限買一件，賣晒會再安排郵寄，因為再入貨都要幾天時間。」 生意反應理想，阿詩不諱言有人鼓勵她正式開舖，而今次她只是小試牛刀，日後有機會想再開。問到是否因做歌星賺得少，所以要鋪定後路？阿詩不諱言做生意也是後路之一，而經過今次她也覺得自己有輕微生意頭腦，因為由搵舖、搵廣告及廠商全都是親自打電話，身邊好友都笑她一人分飾二百個角色。
鄭秀文忙中偷閒捧場
昨日不單來撐場，更穿上阿詩所送的T恤，可謂畀足面。問到她打算幫襯買什麼？鄭秀文笑說：我打算問佢送甚麼畀我，我想要毛巾、手袋、杯，不過阿詩之前已經送了幾件T恤給我。（送咁少？）我都以為有禮物。」不過她強調跟阿詩是好友，無論怎樣忙都會來捧場。說到阿詩指她是「得閒修女」，鄭秀文自言很忙，日前才做完新西蘭巡迴演唱返港，這幾天坐飛機多過坐巴士，不過大家咁老友唔得閒都要來。阿詩指若果出錢請她來剪綵，間店就要倒閉？鄭秀文強調自己收得好平：「我好平，不過係都唔收佢啦，識做啦，請食飯。」
鄭秀文謂大部分東亞的歌星都好團結，互相幫助。阿詩笑她連公司的春茗都缺席，反而去她的新店剪綵？鄭秀文解釋春茗咁多人，多自己一個唔多，阿詩是用誠意打動我，意義大些。
|
放大圖片
