 放大圖片
【本報訊】（記者 梁靜儀）蔡少芬、陳法蓉、溫碧霞和Rosemary(見圖)等昨日攜同愛犬出席於旺角舉行的「愛與狗同行」慈善相片展，其中蔡少芬最受現場動物歡迎，Rosemary的小狗及盧海彤的貓咪都撲向她要抱抱。新婚不久的蔡少芬笑指養狗可練脾氣，練就日後生兒育女時也有耐性。
提起她的愛犬咩咩，蔡少芬竟說曾經想過放棄牠，因為咩咩經常令她出醜人前，她說：「呢隻狗激死我，但就當練下我的脾氣囉，佢今年4、5歲啦，一日我屋企換新鎖，佢就突然衝了出去，我著住件羊咩睡衣落街四圍問人有冇見過我隻狗，後來在停車場見返佢，佢仲以為我同佢玩捉迷藏四圍暱。」雖然尋回愛犬，但就令蔡少芬哭笑不得，她說：「搞到我好似癲婆咁，著住睡衣周街走，好肉酸，我老公安慰返我囉，隻狗成日令我在大班朋友面前出醜，攬住隻洋娃娃表演真人騷呀。」
|
放大圖片
