夫妻「好到冇得頂」 林敏驄卻要打波散心

放大圖片

　■林敏驄硬撐接踵而至的傳聞，也真不容易，麥家琪大表同情。

　【本報訊】（記者 梁靜儀）林敏驄、孫耀威、麥家琪、蘇志威及王馨平幾位高爾夫球愛好者，昨日應邀出席一個高爾夫球用品宣傳活動，並大談挑選球桿的心得，林敏驄直言打高球為搵錢，哪支球桿可賺錢就用哪支。

　近日備受「綠帽疑雲」困擾的林敏驄，昨日難得有心情打波，他表示近月因為忙出碟及出騷，所以也少了時間打波。問到是否多家事要煩？他即裝作若無其事說：「煩咩？都無煩過，都冇乜要理，濕碎料。」不過口說唔煩的他，言談間卻不慎透露要藉著打波散心。再問到他的夫妻感情如何？阿驄即擠出笑容說：「梗係好啦，好到冇得頂。」之前傳與太太陳伶俐分開住，問到他太太是否已搬回家中一起住？阿驄略帶不耐煩地笑罵記者：「關你乜事，八卦！」

　記者轉過話題問他，會否讓兒子學打高球？他即自誇球技了得，更是多屆冠軍，故打算待細仔五歲便教他打波，因他較好動。

　另外，麥家琪亦表示有意待兒子兩、三歲讓他學打高球，希望培養他成為高球高手「Lion Woods」接班人。家琪表示剛與亞視簽了半年合約，公司亦有斟她拍劇，但她又怕無時間湊仔，笑言若每日可以讓她有八小時湊仔便考慮拍劇。