 放大圖片
■高溫下，陳鍵鋒(後)不停追著卓羲(前)，認真辛苦。
【本報訊】（記者 植毅儀）日前陳鍵鋒(Sammul)、吳卓羲為無線劇《學警狙擊》拍攝一場跳橋戲，一向身手了得的陳鍵鋒不但親自上陣拍攝，為了有好效果，更跳了四次才收貨。兩人其後轉往中環太子大廈附近拍攝一場追逐戲份時，忽然遇到一名男子慌失失地在橫街跑出，並放下2個袋，事後Sammul表示原來那男人真是一個慣賊，專搶聾啞人士手袋，見到他們以為真是警察，故慌慌張張地放下賊贓。
同是無線上位小生的吳卓羲、陳鍵鋒，日前一大早在上環水坑口街人行天橋拍攝一幕跳橋戲，吸引不少街坊圍觀。當日劇情講述做臥底的吳卓羲被飾演PTU的陳鍵鋒在街上遇上，兩人展開一番追逐，繼而從天橋上一躍而下。
街坊睇到嘩嘩聲
試了幾次位後，兩位小生在威宂協助下，拍攝跳天橋戲份，雖然只是跳落在橋下準備好的貨車上，但兩人表現亦睇到不少街坊嘩嘩聲。跳完第一次，兩人即到導演旁一齊睇playback，可惜導演力求完美，要求再來一次，只見Sammul二話不說，跑回橋上又再跳過，跳足四次先才OK。
其後劇組轉往中環拍攝追逐戲份，一身藍帽子制服打扮的Sammul，在長樓梯下跑來跑去，不消一會就熱到大汗疊細汗，恍如焗桑拿一樣，可惜圍觀的途人愈來愈多，令劇組多次NG，情況難以控制。正當警察打扮的Sammul，追著穿短袖T恤的吳卓羲大叫：「差人，咪走，再走就開槍!」時，一個中國籍男子忽然從一條橫街跑出，看了Sammul一眼後，便在他面前放下兩個手袋跑開。事後Sammul表示，原來那男人正在後巷搶劫，聽到有人大叫差人，以為自己行蹤敗露，故匆匆離開。Sammul說：「想不到誤打誤撞幫了人一把。」
|
放大圖片
