|
成龍表示也不想跟祖名一起做賑災工作，免得焦點給轉移，早前祖名接受電台訪問時，透露父親在他面前呻疲倦，成龍笑謂：「我係講畀佢聽，如果佢有我百分之0.1的勤力已經不得了，我一停便成間公司停，佢擘大嘴有得食，伸手掌有得坃，所以不會明白無飯吃的煩惱。（可以跟祖名傾偈鼓勵佢？）我唔同佢傾偈，話不投機半句多，傾兩句就會鬧佢，所以無偈傾，鬧得多會無父子感情，有時最多畀面色佢睇，佢四點幾先起身，夜晚唔知做乜，我又唔可以問，如果他是我公司的員工，早就炒他魷魚。」
父子落力共同「送暖」
事實上日前於數碼港全天候廣場舉行的「Wise Kids童心愛心送暖行動」多位名人都出錢又出力，成龍父子落力支持，成龍的「龍子心工程」就捐出大批文具予四川的兒童；而房祖名亦捐出超過千份代理的糖果製作慈善福袋籌款；而梁繼璋等多位名人與子女更上台捐錢，購買慈善福袋，梁繼璋的兒子表示平日都有捐錢做善事，因為爸爸畀唔少零用錢，夠買雪條之餘還可以做善事。
|
