 放大圖片
■小齊被靚女圍實依然處變不驚。
【本報訊】（記者 李慶全）任賢齊（小齊）昨日應邀為新都城中心一連五星期之「F1極速之旅」暑期商場活動擔任揭幕嘉賓，小齊又與一班衣著性感的「F1賽車女郎選舉」參賽者同場，大會更安排小齊去考一班靚女的賽車常識，但他一直目不斜視，只專心一意望著手上的問題卡發問，到一起合照時更即時變得「硬晒𡟼」般，認真搞笑。
小齊見靚女「硬晒𡟼」，他笑指是成龍大哥教他應該這樣做，因大哥講過平時他有好多靚女走過來爭著影相，而他向來又鍾意手舞足蹈很大動作，故曾經不小心觸碰到身邊女仔的重要部位，小齊笑說：「所以大哥就教我跟女仔影相，盡量不好做太大動作，免得『頂』到人就不好意思了﹗」
小齊熱愛賽車，但他自上次受傷後，已經三年沒落場比賽，將於八月在泰國有賽事邀他出賽，小齊真的是心癢癢，只可惜撞正奧運他另有工作安排，且現已為人父，正所謂仔細老婆嫩，都要顧及安全問題。幾年沒賽車，小齊表示平日駕車也不會爬頭或超速，更自稱絕對是個安全駕駛者，不會危害他人的人生安全，除非真的能給他落場比賽，他就會一坐上車便將油門踩到盡。
小齊最近忙於拍攝杜琪峰執導的新片《暗殺》，影片拍足一年尚未煞科，造型都換過三次，他帶笑曾向阿杜投訴拍得太耐很「坃命」，而且這樣下去他不知有生之年能再拍到對方多少齣電影！然而小齊明白慢工出細貨，好戲才能獲獎，才不枉推掉多部片約來接這部戲。
|
放大圖片
