任遊戲代言人 麥家瑜坐袋廿萬

放大圖片

　■麥家瑜坐輪椅拍廣告，廿萬酬金來得容易。

　【本報訊】（記者 植毅儀）環球新人麥家瑜第一首派台歌《殺死我溫柔》，各大電台、網路及電話供應商的流行榜均榜上有名，網上多個討論區網民認為有機會爭奪年尾新人獎。麥家瑜更吸引了音速遊戲《R2Beat》以20萬邀請她作為遊戲代言人。

　日前得到入行後第一個20萬，麥家瑜即買半萬化妝品向同事致謝。她說：「好開心，見到巴士車身、電視、雜誌都有好大個自己的樣。好多謝遊戲商及同事，所以我用化妝品多謝同事，男同事都可以送畀女朋友。其實個遊戲好好玩，用我首歌《殺死我溫柔》來踩Roller比賽，好健康。拍廣告的時候，因為我唔識踩Roller，成個廣告我坐輪椅拍，所以同事笑我齋坐袋廿萬，不過我都好用力『谷』個遊戲，Send晒sms叫所有朋友上網試玩！」