 放大圖片
■（左起）：郭少明、馬健生、黎明、洪丕正、馮愛玲。
【本報訊】（記者 植毅儀）公益金今年踏入成立40周年，為慶祝這大日子，公益金昨日推出珍藏版迷你八達通，並邀得公益金籌委會主席郭少明、渣打銀行行政總裁洪丕正、公益金董事黎明（Leon）等出席亮燈儀式，黎明更率先售賣八達通。洪丕正大方地拿出1000元購買迷你八達通，又不斷呼籲在場人士大力支持。
昨日有接近30名Fans到場支持，及排隊購買迷你八達通。中秋節將至，排頭位的幾位Fans均向Leon送上一袋袋的月餅，Leon笑言：「嘩！今日唔係賣月餅廣告喎。」
問到Leon平時會否使用八達通時，他表示經常使用，因為好方便，好多地方都可以用八達通。他表示今次推出的迷你八達通全港只有一萬張，十分珍貴，只售$138。記者叫他買來送畀人時，他說：「唔送畀人啦，有人要咪去炒囉。（你有冇叫樂基兒幫手做設計？）我叫咪偏私囉，公益金叫就Okay。我從會員做到董事，一向好守會規，其實她之前都幫手設計過。」
提女友名滿足記者
Leon被問到女友生日送了什麼禮物？他有備而來說：「我都知大家會問，樂基兒生日自己都要工作，咁我工作點解要提佢？今日是賣八達通，不是賣樂基兒生日，𦬓，我提了兩次樂基兒的名字及兩次黎明的名字，大家可以有交代啦！」記者提議既然今日賣八達通不如買張送她，那就一舉多得，Leon聞言後立即吩咐助手代買。
近日Leon公司旗下藝人是非多多，有報道指衛蘭遭公司雪藏，生活潦倒不堪，買任何物品都需碌卡，對此Leon發揮其金句王本色說：「雪藏？我都唔明大家會咁講，不如話我被雪藏，我都好耐冇見大家，都雪藏咗好耐。（但衛蘭生活點呀？是否好坎坷？）時間會證明一切，愈坎坷愈好，坎坷過後有艇搭。」Leon指衛蘭呢排忙於錄歌，10月會出碟。
指千嬅人氣無問題
又有報道指，對於有指楊千嬅失去無線這個大靠山後，人氣立時下滑，要「翻兜」無線來挽回人氣。Leon聞言後反應甚大地說：「千嬅人氣高企呀，佢三日見一次報，問香港七百萬人，有邊個覺得千嬅冇人氣啊！做藝人係要宣傳，但要恰到好處，佢一向都係無線合約，沒變過，都唔明點解會咁傳。（咁千嬅忙咩？）千嬅9月出碟，佢同衛蘭唔同，好多歌都彻千嬅，歌手搵歌唔彻唔通照錄音咩？監製同公司都要幫藝人選擇好。」最後，Leon透露自己亦於12月出碟。
|
放大圖片
