懷孕乃詐糊 倪匡空歡喜 周慧敏 倪震重申：不生育

放大圖片

　■周慧敏不生BB，稱是環境問題。

　【本報訊】（記者 梁靜儀）周慧敏最近再次傳出懷孕消息，前晚她出席秋冬時裝匯演，特意穿上低胸束腰短裙，以行動粉碎傳言，她強調腰圍及坐圍無變，依然保持24吋纖腰，又指只是大家敏感，至於雜誌影到她穿鬆身衫去北京睇奧運，因為去鳥巢及水立方都要行一段路，而且她平日都愛穿鬆身衫。

　雖已不是首次被傳懷孕，周慧敏覺得最好笑是她的內地及港台朋友今次都信以為真。她的未來老爺倪匡一直「恨」抱孫，今次她食詐糊，倪匡豈不是一場空歡喜？周慧敏也不否認，並笑道：「阿Joe (倪震) 個媽咪同阿Joe講，話倪匡用放大鏡睇�膝貍P刊，唔知佢睇乜呢？」

　一直堅持不生育的周慧敏，坦言近日為了生育的問題也有與男友認真坐低傾過，但最後都是決定唔要BB，因覺得做他們的BB很不公平，甫出世就要被人影，香港又很多負面文化，如果生小朋友希望他可以在健康環境下成長，自己不能如此自私為了想要小朋友及有人照顧而生BB。她又說：「其實當年移民加拿大係（生仔）最好時機，不過維持現狀大家都覺得好舒服，如無意外都唔會改變主意，除非突然有�驉A我會尊重生命，但會做足安全措施。（咁咪叫阿Joe結紮？）你下次見到佢，你問佢，同佢講。」

　倪震雖然有一姐姐，周慧敏指對方也不想生育，所以倪家有可能絕後。周慧敏稱也無辦法，倪匡雖然鍾意小朋友，但都尊重他們的決定，有就喜歡，無就接受，所以無畀過壓力他們，而且他已視愛貓阿狗為孫仔。