 放大圖片
■楊千嬅冇咁大個頭，卻戴咁大頂帽。
【本報訊】楊千嬅最新唱片於26日推出，最近卻是非不斷，先是被指搶衛詩廣告牌，昨日又被指不滿公司未能為她發展海外市場，並傳她想轉投東亞不獲林生接納，唱衰老闆林建岳。千嬅昨日表示，「八號風球一早落波，唔係打風重打唔停呀？我唱衰老闆？你唔好嚇我啦，我邊會呀？學黎生話，左手唔好打右手，我個人一路剩係識得向前行，唔會左腳踩右腳。」
千嬅強調，她與唱片公司一直相處良好，前晚八號風球也收到唱片公司高層的來電，告知她的唱片首批訂單非常理想，在這個市道有這成績已經可以慶功，「我都唔明搵人點解寫極都唔厭，林生同黎明一直對我好好，全公司都知。我唔需要多解釋，剩係今次新唱片，黎明重本投資，搵朱祖兒同我搞封面，第一次影唱片封面係有排舞老師一齊，一邊排舞一邊影，黎明重主動提出將唱片部分歌送去韓國編曲同混音，佢點會對我唔好？所以我昨日聽到唱片公司高層話隻碟訂單非常理想，我都好開心。」
|
放大圖片
