 放大圖片
■陳慧琳接受訪問時，姊妹團幫手在旁整理婚紗。
【本報訊】（記者 李思穎 植毅儀）陳慧琳經理人鍾珍穿上簡單而隆重的米色衫裙，為陳慧琳出嫁做阿四。鍾珍表示本來已經叫藝人不要送禮，但黎明及張學友堅持要送份大禮給陳慧琳，黎明送百貨公司禮券。說到陳慧琳切餅時所穿的白色婚紗，鍾珍表示是自己同奚仲文一起送出，由奚仲文設計，約6位數字。條裙長10米頭紗18米，是因為陳慧琳成日在舞台上，特意設計到咁誇張。白色婚紗上有999朵白色牡丹，花是全人手做的，而999朵牡丹花則是鍾珍指定的數字。問到婚紗設計好有柯德莉夏萍feel，鍾珍強調最緊要高貴大方，突出陳慧琳身形，有腰又有身。而陳慧琳髮型師則表示，他是看了陳慧琳的婚紗然後設計髮型的，晚上轉婚紗又會有另一髮型示人。
志偉準備玩喊新娘子
司儀曾志偉及林曉峰約晚上6:30分到達現場，志偉表示好代陳慧琳開心，因為呢行好難找一個咁愛自己的圈外人。至於晚宴點玩新人，曾志偉笑笑口說：「我現在上去商量𣈳先，因為我都係剛從溫哥華出席完中國電影節下機趕來。要睇𣈳對新人有咩禁忌，不過最好冇禁忌啦。（alex早上接新娘好似已被姊妹團玩到殘喎？）哈哈，咁叫佢小心搵！」志偉更揚言陳慧琳一定喊，他說：「佢份人好真，今晚一定喊。今晚我做司儀，唔飲酒住，等到最後先飲。」
柏高祝有最完美人生
前經理人黃柏高（Paco）前來，他表示會送上人情，至於人情多少，Paco表示Kelly咩都有，主要都是少少心意。(有咩同新人講)好幸福，由佢出道至今，坃埋亞太女歌手獎，今日佢組織家庭，睇住佢成長。Paco又透露是Kelly請他來，(似嫁女嗎?)希望她們白頭到老、有最完美、完滿的人生！其他到賀的有導演程小東夫婦、劉偉強夫婦、鄭欣宜；小東希望Kelly白頭到老、早生貴子！
|
放大圖片
