 放大圖片
■安仔結婚傳聞鬧得熱哄哄，連他姐姐也信真。
【本報訊】（記者 梁靜儀）無線昨日舉行《仁愛堂邁向光輝新里程》記者會，出席的藝人有當晚司儀汪明荃、表演嘉賓許志安、麥浚龍、古巨基、薛凱琪（見左圖）、吳浩康、陳偉霆、李蘢怡、關楚耀及羅天宇。
早前東亞銀行因謠傳被擠提，而獲該銀行贊助開個唱的蘇永康，即時越洋通知老友許志安去提款，更被安仔大爆康仔已在當日提走所有存款，昨日安仔在仁愛堂記者會上澄清當日只是他思覺失調聽錯，並向康仔道歉。他說：「我同康仔講了九十幾次Sorry，係有生以來講最多Sorry的一次，其實是自己聽錯。」問到是否康仔嬲才講對唔住? 安仔反問：「他嬲咩?如果是就考驗到兄弟情，不過個誤會都搞到幾尷尬。」
對於有指他明年中秋節結婚，安仔強調純屬一場美麗的誤會。話說當日有記者問他何時結婚，他隨口說中秋節再問過，於是就造成了這個美麗的誤會，連家姐也追問他結婚的事。問到女友又有否詢問？安仔笑指結婚對象未必一定是大家認為的「她」。安仔續稱很享受現時的生活，但結婚都終須一試。記者指梁漢文都快結婚了，他也好應結婚，安仔說：「唔係佢結婚我又要結，不過見到Kelly結婚都戥佢開心，但又要換幾套衫及化妝，好似開演唱會咁。」
薛凱琪打泰拳練氣
薛凱琪(Fiona)表示當晚會獻唱緋聞男友方大同寫給她的新歌《天國的微笑》，由於頗有難度，加上之前只公開演唱過一次，所以感到有點緊張。她稍後又會為年底演出的舞台劇排練，一共演出八場，現在她正積極做帶氧運動及打泰拳Keep Fit練氣。問到打泰拳時可有受傷，Fiona指沒有大傷，但有「爆腳甲」情況出現。她又乘機擦公司鞋說：「我覺得公司好偉大，舞台劇沒錢賺，時間又長，同時我又推了些電影，所以今次能演舞台劇，係公司送畀我的禮物。」
|
放大圖片
