 放大圖片
■周麗淇對緋聞感厭倦，不再回應。
【本報訊】（記者 梁靜儀）周麗淇昨日接受新城電台訪問，主要為新歌《輕飄飄》宣傳，相隔兩年再出碟，她不諱言有點緊張，加上新碟中會有國語歌，錄音時要請來普通話老師逐字執正，唱到條𡘾也打結。周麗淇拍攝的《桌球天王》快將拍完，之後會再接新劇，其間會抽空一個月宣傳新碟，並要到內地及出埠，記者問她離開傷心地豈不是更好？周麗淇反問：「有乜咁傷心？我不知幾專心，一向都寄情工作，處女座對工作比較嚴謹，感情事遲搵再諗。」
早前有報道指是周麗淇向傳媒踢爆「鄭佘戀」，昨日鄭嘉穎接受商台訪問時，表示相信周麗淇並非放料人，更稱有向周麗淇慰問。當聽到鄭嘉穎三個字時，周麗淇即面露不耐煩的說：「又講呢個人？唔好喇，我由Day one開始已經講唔回應。（到底嘉穎有無搵過你？）呢段時間好多人搵過我，我唔係避搵乜，而係秋官個期唔能夠甩，自己之後又有工作，不能分心，所以無接電話，但又唔係所有人都唔聽。」周麗淇自言忙到連之前熱播的《家好月圓》都無時間睇，更何況是嘉穎的新劇。
|
放大圖片
