 放大圖片
■陸詩韻在「秋冬霓裳大匯演」盛裝出場。
【本報訊】（記者 梁靜儀）「秋冬霓裳大匯演2008」昨日假新都城中心舉行，大會邀得陸詩韻、陳敏之、楊秀惠、龔嘉欣及關婉珊五位靚女擔任模特兒。
陸詩韻最近因被指遭師姐陳法蓉撬走「油王」男友朱明，被迫搬離月租十萬元的公寓式豪宅，要搬返娘家的將軍澳居屋。報道指陳法蓉在今年五月的慧妍雅集活動上，主動搭著陸詩韻膊頭說：「你要加油，努力喇！」詩韻承認有人叫她加油，她說：「當日係我第一次做慧妍的司儀，個個師姐都叫我加油。（陳法蓉咁講是否踩埋身？）唔會諗咁多，大家斷章取義，無諗過過咗咁耐今日會拎出來講，都過去咗，總之而家好開心。（見過陳法蓉會否尷尬？）無尷尬，只係炒作。」
曾與詩韻傳出過緋聞的男友都是非富則貴，問陸詩韻揀男友的條件，她笑說：「男友唔係揀，人揀你，你揀人，要講緣份，唔駛好有錢，但要有經濟基礎，無理由要我養佢，自己都係經濟獨立，唔可以倚賴我，暫時唔可以接受要我由尖沙咀行到深水步。」
兩次傳出緋聞，但兩次都被傳遭人撬牆腳，問到她再拍拖會否要男友即刻公開戀情，以防殺出個「程咬金」？詩韻說：「唔會，會穩定搵先至公開，要有默契，當然都要對方同意。（但你鍾意的對象都好搶手？）拍拖十年都分開，有搵拍幾個月就結婚，我對愛情仍有期望。」
|
放大圖片
