傳艾粒轉會金牌 基仔未聞此事

放大圖片

　■基仔(中)未聞身旁的艾粒轉投自己公司。

　【本報訊】古巨基(基仔)昨日到港鐵中環站出席其創作的卡通公仔KUBI與港鐵合作的產品發佈會，席間基仔和「仔仔」KUBI更聯手與港鐵代表進行蓋印儀式。事後笑談到基仔今次賣仔賺錢，對此，他說︰「我無賣佢，只係合作形式﹗(那應該改為仔仔賺錢養你？)其實我做阿爸都好辛苦，多數要用夜晚休息時間設計佢。不過，佢都好叻仔，賺到些學費，講真設計佢都係搵來養老，因為藝人會老，卡通公仔就唔會，我將來都係靠佢﹗」續談到KUBI的收入是否令基仔要交更多稅？他就表示收入增加交稅是應份的事。

　另外，昨日艾粒為活動擔任司儀，對於有傳二人約滿SILLY THING轉會金牌一事，艾粒只說︰「未確定，始終我們要尊重仍服務緊的公司，我們一月八號先約滿。」而問到金牌旗下的基仔可知艾粒加盟？他就笑說︰「唔清楚。」