 放大圖片
【本報訊】（記者 李思穎）無線面對金融海嘯影響，將於今日請員工食「無情雞」，向212位員工派發大信封，而續約藝員都將「凍薪」。無線旗下不少藝人都願意接受事實，甘願同公司共渡時艱，不過鄭伊健便「不平則鳴」，認為一間機構有本身形象，不要受外來「炒風」影響，人炒我炒，既然劇集收視好又賺到錢，便不該跟隨「炒風」潮流，更揚言無線要凍薪，便先凍他!
伊健昨早出席慈善跑，他為免再觸傷左腳舊患，未有落場跑步，只是以大使身份頒發感謝狀給有關機構。平日鮮有話題的他，接受傳媒訪問時主動表示：「現在好多機構見到別的機構炒人便跟著炒人，縱使營業額幾好都要炒。(無線將解僱200多位員工?)每間機構都有形象，劇集收視好，賺到錢，大家都知營業額係點，何解仍要炒，沒有必要潮流興炒人便跟住炒。(無線藝員都要凍薪?)凍我啦！仍欠無線幾集劇，向來都凍緊，這時候應該共渡時艱，不是人炒我炒，機構的形象要看得深遠一些。」伊健的敢言，不怕開罪無線嗎？他謂：「我是講整個大氣候，決定了的事情都可以改變，其實有些老闆都加人工沒有炒人，唔應該炒。看來這個聖誕節都好難過。」問到伊健的工作受影響嗎?他笑笑口說：「一向都係咁，做下又抖下，我建議大家投年宵攤位，皆因泰國政變，歐洲消費貴，日幣指數高，大家都會留港過年，應該有得做。」鄭伊健亦回應有報道指其女友蒙嘉慧逼他信教，伊健否認其事，女友沒叫他信教，自己也非信徒，當日首次聽佈道會，純因佈道會的Nick雖是四肢傷殘，仍積極宣揚生命意義，自己都有興趣去聽。
|
放大圖片
