 放大圖片
■黃宗澤「親吻」女模，看似浪漫，其實不好受。
【本報訊】（記者 寧寧）黃宗澤（Bosco）首張個人廣東唱片《In love with Bosco》本月五日推出。能夠擁有第一張個人唱片，黃宗澤心情興奮，更意料不到拍唱片封面當日會突然「飛來艷福」，有位靚女模伴著，原來設計師認為黃宗澤於唱片中演繹不少情歌，所以特意找來一個女模一齊拍攝，營造浪漫的感覺。
黃宗澤卻說：「表面睇就係囉，背後好辛苦蕂，邊有艷福咁好？哈哈……我同個model看似親密，但其實係就位影相，好似錫落去其實錫唔到的，我係半跪狀態，彎低個身影，影一陣就要休息再來過，而且成日失平衡。最初跟女模不熟落，要作親密狀大家也有點尷尬，而且拍一些親密擁抱等動作時，更是十多二十對眼睛看著，又冇劇情，冇對白又要投入表情，全靠自己幻想。那日樂小姐仲來探班，望住我影相，幾鬼大壓力呀，我覺得比拍劇更難。」加上當日他剛由外地工作返港拍封面照，只睡得兩小時便開工，拍了近六小時，到半夜時已累得化妝時也睡著，所以一點也感覺不到「飛來艷福」。
|
放大圖片
