 放大圖片
■亞視新行政總裁王維基現場睇騷。莫雪芝 攝
【本報訊】（記者 黃佩麗、植毅儀）亞視又有人事變動，陳啟泰認為亞視換高層是好事，因為已經沒有機會再差落去，他表示現在裁員聲四起，好多員工都預計做完「亞姐」就會被裁，所以士氣好低，今次有新高層，起碼感覺似有新注資，唔使「死」咁多人。他說：「我覺得新高層係『打慣爛仔交』，接手亞視，我對佢有信心。」
張文慈：睇定先！
對於亞視管理層變動，張文慈坦言不知公司大方向，不過作為藝人身份被動，會抱平常心去面對。談到行政總裁王維基拒保證以後不再裁員，張文慈表示：「其實對我影響不大，一年後我便約滿，暫時未想太多，加上自己月薪出糧無乜大影響！」至於王氏在記者會上強調亞視在兩、三個月內會改革，對此她說：「睇下佢點做，咁多年來經歷多個人事變動我希望過又失望過，都要睇定些先。」
呂晶晶：影響愈細愈好
談到王維基強調集中發展非戲劇節目，林韋辰抱樂觀態度，表示亞視綜藝節目一向都強，將強項保留好緊要，加上金融海嘯未見底，大家都要共同面對。
呂晶晶表示已經經歷3個唔同高層，所以已習慣。晶晶說：「我聽聞仲會裁員，希望影響愈細愈好。（是否因為是外面經理人所以唔擔心？）唔係，亞視都畀好多嘢我做。（不如你同林韋辰結婚呀？）我未有這打算。」
快將卸任的亞姐冠軍張家瑩表示自己一直好想拍劇，雖然新高層表示減少拍劇，但自己可以等。她坦言覺得自己唔好彩。
麥當傑：感到競爭性
麥當傑都希望亞視有更好的發展，他覺得現在電視業重回到七、八十年代時的黃金時代。他說：「我不希望一台獨大，現在不少電影人都轉投電視行業，人才已有，現在我都開始感受到競爭性。加上金融海嘯，我覺得是電視行業好時機，因為市民不會出外消費，便留在家看電視。無論經濟幾差，有兩個行業都不會受影響的，就是電視行業及超級市場。」
|
放大圖片
