 放大圖片
■鍾舒漫為新碟造勢，江若琳、張敬軒等好友捧場。
【本報訊】鍾舒漫前晚於CLUB PP演唱為新碟造勢，江若琳、張敬軒、吳浩康和詩雅大班圈中好友出席捧場，緋聞男友張致恆更帶備大機為她拍照。眾星玩得興起，全部走上台跳舞，十分熱烈。期間突有酒客衝上台對著鍾舒漫大跳辣身舞，護衛見狀即請對方落台，問鍾舒漫可有被嚇到？她笑謂：「無，對方只係熱情，都好有風度，無做唔規矩的事。」
派對大玩校服誘惑，每位出席嘉賓也需穿著校服，當中詩雅揹埋書包扮得十分神似，結果進場時被要求查身份證，鍾舒漫的裙身過短不合規格，她戲言是來自國際學校，並自爆當年讀書真的試過貪靚會摺短裙腳。「細個唔識覺得短就是有型、靚，若被老師發現截停就即刻放番長，大家真係唔好學呀。」
|
放大圖片
