吳雨霏願望明年與男友過聖誕

放大圖片

　■吳雨霏和周柏豪等到校園報佳音。

　【本報訊】吳雨霏、周柏豪昨日為商台節目《Do人Show L.C.K》到校園報佳音，吳雨霏表示今年聖誕在工作中度過，而父母早已丟下她到澳洲旅行，她笑說：「其實我每年都係Lonely Christmas，無試過咩慘痛經歷，所以我願望係下年可以同男友度過。（會積極搵男友？）我好被動，都係順其自然啦。」吳雨霏透露早在月頭已於網上訂購禮物，但未知是否船期問題，禮物竟延遲到30號才抵港，所以惟有遲些送禮，問到今年可有減少預算？她說：「我都係買�鰲X千蚊，係一些衫、內衣等。」

　至於周柏豪，平安夜是他哥哥的生日，所以每年都要回家度過，問到有沒有異性相約？柏豪說：「無喎，有人叫我去唱K，不過我想同屋企人過，其實我好少出去玩，又唔飲酒怕出事。」柏豪稱曾經試過煮聖誕大餐給家人品嚐，最後卻失敗了。