 放大圖片
■玩「嘴對嘴」已是公式，「獎門人」今次多了不文對白。
【本報訊】（記者 植植）吳國敬、胡蓓蔚、陳爽、孫慧雪、吳日言、金剛、謝珊珊、森美、小儀及新婚的梁漢文等一大班人前晚為《鐵甲無敵獎門人》進行錄影，整晚對白不文。
由於該集安排於農曆新年期間播映，節目一開始曾志偉要一眾嘉賓大講新年願望，錢嘉樂就表示牛年要掃走盈盈樂樂之類的「疊字」，改為玩「單字」，例如洪欣、朱茵等，此時阮兆祥就插嘴︰「年年選美好似為你而選咁，玩完盈盈樂樂又想玩團團圓圓。」聞言的嘉樂仔竟當眾爆粗︰「你個仆仆街街，兄弟都玩﹗」
此時志偉以粗口諧音贈興︰「呢個係冚家歡節目。」而對於湯盈盈公開曾煲靚湯予嘉樂飲一事，嘉樂表示係有飲過對方靚湯，手勢都可以，不過唔知係咪盈盈阿媽煲的？
而玩「呼拉圈」環節，森美將吳日言頸上煲呔轉甩，祥仔又即說︰「森美條嘢甩咗！」
梁漢文希望今年大家不要再稱呼他做「梁炳」，請改叫「梁生」，志偉聞言即笑說︰「真係好唔慣囉，真係梁你老竇！」
|
放大圖片
