 放大圖片
■學友因為配音，與女兒的話題增加了不少。
【本報訊】（記者 梁靜儀）張學友、鄭欣宜及王祖藍前晚出席《MCL將軍澳戲院及MCL翠華餐廳開幕暨超級零零狗首映》，甚少為動話片配音的學友，笑稱這次為電影配音，除了因為本身喜歡狗外，最重要是女兒喜歡睇動畫電影，他又可以多些話題，配了有著數。
首次與學友合唱的欣宜，在台上大讚學友友善，每次在他面前唱歌都好興奮及標冷汗。前晚學友並沒攜同女兒睇戲，他謂留待一起睇正場，談到心肝寶貝女兒，學友即流露一副慈父樣子說：「我每晚都會講故事畀個女聽，依家就由大女講仲講得好好聽。」
之前學友自爆是雷曼苦主，對於有報道指他蝕了四千萬，所以密密接工作「撲水」，難怪他農曆新年無意出埠過年？學友對報道一概否認說：「唔係真，係就唔做這些活動，無關係，所有工作是雷曼事件之前計劃好的，無乜影響。（是否蝕了四千萬？）無計過數，而且基金是放効到唔會郁，除非基金執晒笠，大家都差唔多，其實無乜影響。」
09年不會巡演
學友又強調現時接工作不為錢，亦不介意被指「撲水」，他笑言：「又唔係假（指蝕錢），撲水就係假，個個都有蝕，又不是蝕掉全副身家，氣候環境是這樣都無辦法，唔會唔開心。」談到今年的工作計劃，學友透露會出唱碟及接拍一部電影，但就不會做巡迴演唱。傳聞學友拍一個廣告收三百萬，開一場演唱會收一百二十萬？學友否認收這個價錢：「邊個講？你聽佢亂珕，總之現時做工作都是正常計劃。」笑問今年的利是錢會否縮皮？學友笑指不會，因過去也是派咁多。
希望像牛多勞多得
另外，張學友早前到訪新城電台跟新城員工拜個早年。新城董事總經理馬健生特為學友兩位女兒親手製作了小飾物作為新年禮物；學友笑言十分可愛，相信女兒一定會喜歡。學友又跟新城知訊台台長朱明銳及DJ啤梨拜年，祝願諸位新一年事事順利。學友向啤梨表示，希望新一年更勝舊年，自己可以像牛一樣，有得做有得食、多勞多得。
|
放大圖片
