 放大圖片
■陳鍵鋒到訪冰島，有指是陳志雲欽點。
出道以來，陳鍵鋒與女星傳的緋聞不多，相反卻成為陳總（陳志雲）的愛將。對於愛將傳聞，陳鍵鋒甚為無奈，還笑言自己未做勁歌主持，應該未入愛將行列。「我都唔知道點解有這樣的傳聞，我入行初做《K-100》主持，已經識陳生，當時他是推廣部高層，後來都甚少聯絡。我不是擦鞋，陳生是一個幾好的老闆，很照顧下屬，會畀不同的意見你，知人善任。有次和他傾偈，陳生話他的工作就是要按不同人畀不同的意見。上次《冰天動地》，個個都話是他欽點我，連我自己都問佢點解要選我，陳生反問我：『咩，你以為真是我做所有的決定？』選我的原因是公司一班高層覺得我夠冷靜，去冰島有機會遇到不同的突發事件，同找一個反應快的人。講個秘密你知，陳生更錫Kay（謝安琪）。」
既然陳總如此知人善用，為什麼陳鍵鋒卻堅持唔做「親生仔」呢？「自上次TVB同我講過簽經理人約後，暫時都沒再提。我好多謝TVB呢幾年畀的機會，好多同事、監製犯險畀機會我，大家講明有合適的角色可以隨時合作。我份人比較鍾意彈性工作，TVB的劇在東南亞及加拿大等地方迴響大，但我拍內地劇亦贏到一定市場，所以我希望兩邊都兼顧。」
|
放大圖片
