|
李自明
在各反對派政黨中推「5區總辭」最力的癲狗幫（社會民主連線），最近突然提出種種理由要求將計劃延至明年5月，遭公文袋（公民黨）質疑5月才辭職「太遲」，甚至傳出被指定參與「總辭」的袋巾梁（梁家傑）及戲子陳（陳淑莊）已開始落區部署，表現遠比癲狗幫積極。自明和政壇老友談起此事，他坦言，公文袋當然已經「計過數」，才會參與「總辭」這場「大龍鳳」，包括與癲狗幫搶佔道德最高地、地區樁腳及選民。不過，老友嘆道，所謂「機關算盡太聰明」，公文袋如此「死不悔改」，最後只會「得不償失」。
公文袋大會今日會討論「總辭」的問題，有人估計在「政治惡勢力4人幫」及黨內激進新生代裡外夾攻下，公文袋極有可能「去馬」。政壇老友說，自己也解釋過公文袋參與「總辭」，是因為陷入「中產專業精英代言人不再」、「反對派共主路夭折」、「民主神檯上光環褪色」、「中央與反對派橋樑角色夢碎」4大困局，加上「4人幫」的幕後操控，終決定力搶反對派的道德桂冠，誓搶癲狗幫及白鴿黨（民主黨）的地區樁腳及選民。
不幹地區工作 圖搶激進選民
老友坦言，公文袋在08年立法會選舉展宏圖的野心破滅，沒有反省自己政策取向上偏離民意的錯誤，反而認為，中間溫和派選民一向投票意慾較低，多幹地區工作動員他們出來支持「吃力不討好」；而激進選民本身有強烈的政治取向，只要有誘因就容易動員他們出來投票，該黨「死敵」癲狗幫就是靠這一招成功。在這種思維驅使下，公文袋相信只要能主導「總辭」的話語權，就可以從癲狗幫和白鴿黨手中搶票：「佢哋深知，撬支持建制派選民嘅票難如登天，要攞多啲票就要打『盟友』嘅主意，就正如08年選舉，癲狗幫幫主狂郁人（黃毓民）鬧得最多嘅唔係建制派，反而係公文袋。」
公文袋不可謂不精心計算，當癲狗幫提出該黨九龍西、新界東和新界西共3名議員都「鐵定會辭」時，即「打蛇隨棍上」，提出公文袋可由九龍東的袋巾梁及港島的戲子陳辭職，「計盡安全系數」。
老友說：「公文袋的如意算盤係：袋巾梁唔使講，即使輸畀嫻姐（陳婉嫻）呢啲重量級人馬都唔算丟臉，擺明要搶癲狗幫陶君行嘅票啫；戲子陳方面，08年阿豬余（余若薇）排第二力捧戲子陳排第一，結果選舉當日阿豬余四處告急，差啲返唔到議會，戲子陳贏都贏得唔光彩，而入咗立法會之後，除咗肥佬黎(壹傳媒集團主席黎智英）旗下刊物周不時讚佢夠索夠醒，再肉麻當有趣咁用埋啲咩『民主新女神』去吹捧之外，大家仲記得戲子陳做過乜？但如果佢頂住公文袋個名辭職參加補選，効一直被視為反對派票倉嘅港島區，補選時又等於用單議席單票制，贏嘅機會就好大，到時佢就可以堂堂正正話個位係自己贏返嚟嘅，就算輸咗仍然可以響朵，對佢參加下屆立會選舉都有好處！」
中間溫和選民 隨時失望而去
不過任何人都有盲點，政壇老友坦言，公文袋一旦行此「濫招」，其發展分分鐘就如日暮西山的白鴿黨：激進選民不會選你，溫和中立的選民就離你而去，反而得不償失：「香港研究協會日前公布嘅調查，顯示公文袋支持者裡面，有超過5成都反對『總辭』，甚至比白鴿黨嘅多。我覺得，如果『總辭』成事，癲狗幫始終會係大佬，班『民主憤青』要投都投畀佢哋啦，而中立溫和嘅選民，就算唔靠攏白鴿黨都唔會再支持公文袋啦，咁公文袋，大有可能唔衰攞嚟衰！」
|
