 放大圖片
■秀惠笑言就算沒有拍拖，有甜品都夠晒甜蜜。
本是馬來西亞人的楊秀惠參選華裔小姐入行，所以特別重視農曆新年，自言每年都會買全新的紅色內衣褲應節。新一年，秀惠希望事業可以更進一步，最緊要遇到好劇本。對於感情事，秀惠笑言自己愛好甜品，故不需要拍拖亦已經好Sweet！一向重視農曆新年的秀惠趁新年間回大馬探望家人，向長輩拜年。秀惠說：「來香港工作忙碌，所以每年新年我都會同公司請假回馬來西亞過年。」
說到小時候過年的趣事，秀惠說：「我們大馬過年同香港差不多，媽咪大年三十會叫我唔好洗澡，同唔好掃地，就算要掃都是掃出唔好掃入。大馬人還有個特別的新年習俗，喜歡『撈起』，把一些食物切絲，然後撈起，撈得愈高愈好。」雖然單身，但楊秀惠有很多錫她的朋友陪伴左右，又愛好整甜品，有班志同道合的朋友。「我好享受整嘢食的過程，本身好鍾意靚嘢，你看這『心花怒放』，外皮炸到成朵花，又有雪糕又有生果餡，好靚！」話音未完，秀惠見到另一款甜品「三心兩意」時，已經兩眼發光。所以說女人都是善變的動物，只見秀惠周旋在黑糖木糠布甸、藍莓果凍、意大利芝士餅中，名副其實三心兩意。
至於她的新年願望就是拍多些劇集，最好拍多些需要離開香港拍外景的劇集，因為她很喜歡飛來飛去，更希望做一些特別的角色，讓觀眾留下印象。說到心目中的擇偶條件時，楊秀惠說：「我希望個男朋友脾氣唔差，要識自我調整，識坃平衡。」至於2010年的工作希望，秀惠表示自己份人隨緣，不去強求，公司亦畀很多機會自己。希望可以試下做打女、拍打戲，又或者特別角色如藝伎等。
■採訪：植毅儀 ■攝影：莫雪芝
■場地：心飴（2367 6363）
|
放大圖片
