 放大圖片
■容祖兒與Twins如好姐妹形影不離。
蔡卓妍的緋聞好少，除了和吳尊因拍電影而傳出的煲水新聞外，相信一定是和鄭中基的一段緋聞。據指兩人因合演《追擊八月十五》一片而「一拍即合」，去年更傳出阿Sa將下嫁鄭中基，既然傳聞傳到似層層，不禁要向當事人問個明白。「呀，你都識講是緋聞啦，我16歲開始拍拖，現在最重視跟對方溝通和相處，不過我想結婚就真的要等下啦，我35歲後考慮結婚生仔！而且我好忙呀，剛開始籌備網上賣二手衫的生意，自己又想抽時間讀時裝設計。有時我想做藝人都幾悲哀，因為今日唔知聽日事，有時連簡單的生活都唔識。我見過有人，太沉迷在這世界，一旦唔再做藝人會好彷徨，因為以前你咩都有助手去照顧，可能連去銀行開戶口都未必識，所以我想趁年青做多少少事，為將來打算。目前所做的，不止是一項工作，是我的事業，也是人生一部分。最近我同公司講，用少一點保母車，我要出街寧願坐的士，本來我想坐地鐵的，但公司同事強烈反對，話會引起好多問題，我才打消這念頭，我希望同大家接近點。再者我是想生BB的人，我想記憶中會有小朋友成長的每個片段，我會用大部分時間去湊仔女，你話喇，我咁多嘢做，邊有時間去想結婚呢？」
|
放大圖片
