 放大圖片
（第一場）「執子之手」剛戰出閘向上跳躍失先機，加上賽後被驗出不良於行，可作為落敗理由，復課試大閘走勢醒神，雷神埋門又摸到實，值得俾多次機會。
（第二場）「麟轉乾坤」（圖11號）自從笠個眼罩後判若兩駒，五戰取得兩勝三位全上名，剛戰於直路賽大勝而回，更覺戰鬥力持續昇華，既然未斷纜自然值得追。
（第三場）「銀飛龍」自從轉配備後成隻馬唔同晒，對上兩戰在此程分別擊敗「大勇士」和「萬醒駒」取得兩捷，七歲老馬大器晚成，賈其餘勇，提防唔信又贏多場。
（第四場）「有智者」均速馬上場竟然唔放，完全沒有贏馬誠意，齋計狀態，隻馬確實弗得交關，今次回師三戰累積一亞一季的首本程，應可重現真面目。
（第五場）「帝聖好好」上仗雖然無法再次征服12檔，但直路依然展現強悍追勢，呢個殿軍絕對不比前三名遜色，證明馬勇態保持，今場檔位稍好，力足再顯本色。
（第六場）「君悅灣」今季一再於田草強組賽事跑得亞軍，尤其是多場採用在直路早段走甩而未竟全功，以此跑法運用於窄場效果肯定會更佳，值得追贏。
（第七場）「華麗登場」上賽雖是賺慢步速才入Q，但末段能夠力拒「有醒」，再加上頭馬「御皇鷹」翌仗再出再贏，呢場賽事水準絕對唔曳，質新馬找到新出路，有機會嘗試高位。
（第八場）「威利飛越」呢個路程能夠以半個身位輸俾「活力歡騰」得亞軍，試問今場有乜馬可以做得到，近兩場田草只是煙幕，繞道重遊舊地，跑出水準，勝望壓一。
|
放大圖片
