 放大圖片
第六場､第三班､一六五○米。「好易搏」T布馬今季評七十八分插三班，初出跑田草千二，九十九倍大冷全程跟跑，省過一仗轉爭谷草千二，一檔起步慢閘殿後競逐，入直路兜出外疊追回不少失地，經兩場試準後今次練者改爭谷草一哩爭盃，轉交由李寶利執韁，慎防爆個石破天驚。
第七場､第三班､一二○○米。「泰山」上季跑過九仗只取得一亞，今季評七十四分轉投大告，六戰最叻跑得一席第四，看上仗角逐谷草千二配何澤堯執韁，排八檔沿途走外疊，最後鬥到返嚟力拚所負不遠，今仗改配賢仔減磅排位又好，放出有力亂大局。
第八場､第二班､一二○○米。「飛龍駒」四歲仔今季大摩安排專攻泥地千二搵食，季內跑過四仗取得兩冠一季一殿，翻看上季尾曾出爭谷草千二米，雖然拚敗卻所負不遠，而今大摩打王牌重返谷草千二誓師，又搵埋雷神執韁，睇部署擺出搏殺格，睇吓今場可否憑輕磅之助施放冷箭。
|
放大圖片
