孫達志（圖）馬房喺今次夜賽中雖然只得三駒上陣，但倉主亦好落心機咁照顧其中兩隻戰馬，分別係列陣第四場四班千八米「強中堅」，及頭場五班一千米「盈喜悅」，近日下午馬房更經常安排呢兩隻馬到彭福公園踱步，孫太多數替隻低班馬「盈喜悅」做工夫，至於「強中堅」則多數指定由馬房一位助手訓練，兩隻馬喺彭福踱步時所見，「強中堅」馬身收得好靚，毛色方面亦油潤，兼且非常文靜乖巧，而「盈喜悅」雖然狀態都對辦，踱來精神奕奕，但始終以「強中堅」勝一籌，馬迷不妨一敲這匹半冷馬。■靈驗客
放大圖片
放大圖片
