騎練軍情：帝飛星蘇狄雄教閘

近幾日都見到蘇狄雄入賀賢個倉幫手替隻「帝飛星」教閘，大家會好奇怪，呢隻馬並唔係由佢騎，點解佢會咁落力同賀賢操呢隻馬，其實，賀賢好關照狄狄仔，後者亦好抵得諗，一有時間就幫賀賢操馬，呢隻「帝飛星」，本來配狄狄仔上陣，但有日柏寶向賀賢索騎，賀賢對柏寶講，呢隻馬計劃用狄狄仔跑，假如柏寶得到馬主同意，將匹馬指定交俾佢騎，咁就作別論。果然，未幾柏寶同馬主溝通之後，肯將呢隻馬用柏寶上陣，賀賢只有尊重馬主意見，臨時飛起狄狄仔，不過，狄狄仔都好有風度，表示唔介意之餘，仲應倉主有需要時候，佢依然會幫手，所以呢隻「帝飛星」倉主都搵番狄狄仔幫手操練，睇呢兩日馬房咁緊張搵狄狄仔同呢隻馬教閘，到時出戰頭場五班千二米泥地，必定有搏殺決心。

旅遊多寶動態認真

苗禮德一家去�鬻躩轙說u積多福」比賽，呢幾日就係副練余詠詩世界，佢一手一腳要睇晒咁多隻參戰馬，當中「再石磨藍」及「旅遊多寶」於操練時，馬房要搵人影低該兩駒�嚝瑍m片段，然後傳送比身在杜拜�麰]禮德。據悉，呢兩隻馬近幾日都指定用一位南非籍騎馬人於機坪踱步，期間兩隻馬都表現得非常有火氣，狀態同上場入位時候可以話有過之而無不及，幕後咁緊張呢一對馬，屆時不妨優先作為捧場對象。