人稱「河童」的「香港眾志」秘書長黃之鋒又中箭。事緣參選香港島的港視主席王維基(魔童)，被踢爆身穿價值2,000多元的恤衫拉票，他急不及待為「眾志」塑造窮孩子形象，稱自己「着開$120嘅衫」，最後難逃一眾「方丈」網民追捕，質疑他「人哋使自己錢關你鬼事」，又就「眾志」「籌突」的選舉經費叫他「回水」。
前日有傳媒報道，指王維基多次拉票時，均身穿價值2,000多元的Maison Kitsuné白色恤衫，王維基昨日就在facebook分享報道，笑言那件恤衫是自己早前網購的，「千二蚊啫，前一陣仲做緊七五折」。
眼見「眾志」主席羅冠聰與王維基票源相近，河童急不及待為黨友抽水，在facebook寫道「利申：着開$120嘅衫」，以為網民受落，怎料負評如潮。「Chun Lam Ng」直言「人哋使自己錢關你鬼事」，「話時話你哋中箭（『眾志』）100萬（元）選一區，之前籌款其餘嗰60萬肯拎返出嚟？咪×當人失憶症唔記得呀，老千！」「Ngai Michael」就揶揄：「 On9（戇×）仔，你估個個好似你哋中箭咁呃飯食？未見過1,200蚊恤衫咪攞嗰60萬去買囉。」
抽河童水怎可缺少「眾志專家」、親激進「本土派」的仇思達？「×你老母你黃之鋒你學咩人串王維基呀？人地啲錢好歹都係靠自己賺返嚟，點似得你班政棍一味籌款！呃市民話選兩區要二百萬，結果籌咗百六萬淨係選一區，幾時嘔返突咗嗰六十萬出嚟呀？『學民思潮』啲黨產去×晒邊？」 ■記者 陳庭佳