■該粉絲上載疑為「盤菜」代言的飲品「存貨」。 fb截圖據傳真名為柯翠婷、一直撐「獨」的「毛記電視」女「偽」員「盤菜瑩子」，為傻根（陳云根）而和粉絲反面？她近日在其facebook轉發了公民黨陳淑莊炒作「地契到期」的帖子，並貼文道：「吓，我以為係陳雲講。」有自稱粉絲的網民質疑她攻擊反對派，但又「敢做不敢認」，非常虛偽。
「盤菜瑩子」在轉載了陳淑莊的post後，「Joo Won Moon」在其fb留言稱：「呢次就唔幫妳啦！人人都可以講呢樣嘢（地契於2047年『到期』），不是專利，難道某某提『港獨』，其他人唔提得？」菜粉「Esther Yeung」則「護花」道：「我哋只不過恥笑佢哋選選下（吓）改政綱，仲要抄對手以為冇人知嗰隻。」
「盤菜」試圖「澄清」道，「我亦冇恥笑佢（陳淑莊）？乜『陳雲』兩個字係恥笑黎（嚟）？」「Joo Won Moon」還拖道：「本來喺其他地方有人話妳（『盤菜』）虛偽，我都唔信，今次親身體會。」「盤菜」即時將矛頭指向傳統反對派，稱「公民黨俾（畀）講我就唔俾（畀）講，唔埋堆真係會死」。
一堆菜粉即時質疑對方是公民黨的網絡打手。「Joo Won Moon」還擊道：「當我打手呢下（吓）好搞笑，我like咗盤菜已經好耐，仲唔係好鍾意飲嘅奧樂蜜C（『盤菜』代言的健康飲品）都照買（因為太甜）。大家都係支持民主嘅人，唔同意見我唔介意，我最唔鍾意係敢做唔敢認嘅人。」
踩公民黨 「成功趕客」
「盤菜」就乘機賣廣告，「我好多謝你支持，問題係我唔明白自己唔敢認d（啲）乜sosad，你會唔會係太大壓力，不如飲多啖奧樂蜜C下一下火，我根本冇捉人任何痛腳。」不過，「Joo Won Moon」其後就上載了疑為其家中該牌子健康飲品的「存貨」，稱「妳否認踩『泛民』我冇妳乎（符），我不介意妳踩『泛民』，我最介意妳敢做不敢認。飲埋呢五枝（支）唔會再買，唔想再嘥時間，拜拜」。「盤菜」則留言稱，「你唔鍾意飲我都無謂逼你買，拜拜！」
「Joo Won Moon」不久在留言區「失蹤」，「盤菜」其後「餘怒未息」地在原帖加上「好啦我打清楚d（啲）：我以為個post 係陳雲出」；又發帖繼續質疑公民黨，「好老實講，唔好講先後，某d（啲）組織（『熱普城』）講到出晒名既（嘅）野（嘢），（陳淑莊）臨選廿日左右你先拎出黎（嚟）再強調，一係比（俾）人覺得係抄，一係比（俾）人覺得係認同。如果係後者，你叫d（啲）支持者點自處。」
投票日漸近，傳統反對派和激進「本土派」小小事也互相攻訐，如果有人仲以為得把口嗌「救港」者投得過，咁少年，你真係太年輕了。 ■記者 羅旦