【資料速遞】戈寶增程千八啱數

2017-03-21

近年不少馬主團體都年輕化，好似東廄三歲生力軍「戈寶」馬主摯友會團體正是其一，成員不是名門之後，就係商界才俊，如「帝聖」系黃順源公子黃成藝，亦即係目前「帝豪寶寶」馬主，尚有玩具車大王「超好玩」顏培英與顏吳餘英乖仔顏志永，其餘四位團體成員就係新面孔。他們今次首度走埋一齊夾份養馬，自然希望盡快贏馬攞威拉頭馬，而倉主告東尼亦出名好勝心強，盡快贏馬心意可說毋庸置疑，雖然「戈寶」出道六戰名次已見越來越接近，然而馬匹屬中長途性能分子，今仗再戰谷草兼加程向千八米進軍應該是問收成時候。