■「陳大文」則指傻根的做法是「又食又拎」。 fb截圖做完MR節目先開火被恥笑 網民批「清算」屬黑幫欺凌
全盛時期嘅「青城派國師」傻根（陳云根）可以「清算」幾多人？他近日直接向「狗主」黃毓民發炮，話狗主「想剷除我來扶持『港獨』」，但就話「真正的理論號召力及群眾號召力」喺�嗰邊喎。近日同佢反咗面嘅網誌作家「陳大文」，就揶揄傻根喺黃毓民度做完先開火：「咁，陳大師（傻根）你又做？......你應該一開始××黃毓民嘛！」他又批評傻根發起的「清算」，「是純粹的黑幫欺凌罪行」，大家應該反擊。 ■香港文匯報記者 羅旦
傻根近日發帖稱，「毓民想剷除我來扶持『港獨』，想將我在MyRadio網台的支持度過檔去『港獨派』那邊，然而正正是因為這樣，他害死了『港獨派』！因為真正的理論號召力及群眾號召力在我這邊，不在『港獨派』那邊。一日MyRadio維持模糊化的策略，毓民同時支持『城邦派』及『港獨派』，兩個派別都可以模模糊糊地互相捆綁而生存，陳浩天及梁天琦可以繼續盜用我的『城邦論』及『主權論』，『港獨派』可以繼續吸我的血來生存。」
傻根續稱：「可惜毓民老哥自作聰明，要分開兩邊，那麼好簡單，『港獨派』即時死亡。因為『港獨派』只是病毒，它必須尋找宿主才可以生存，一旦其中一個宿主（『城邦派』）離開了，只是剩下沒有幾多威力的『普羅學苑』做宿主，『港獨』就會自然死亡。」
「陳大文」批「又食又拎」
「陳大文」就發帖揶揄：「陳雲說黃毓民邀請他在Myradio開節目並且有月費收益是想吸啜『城邦派』支持者從而包庇『港獨』......咁，陳大師你又做？......你應該一開始××黃毓民嘛！......仲有，《城邦論壇》節目月費收益一律唔要，因為都是收賣（買）陳大師你的。......現在的情況，有點像『大陸蝗』的『又食又拎』，來到香港食飽飽又×，這是『城邦』理念嗎？」
「Chan Man Kong」就留言稱：「陳云根係一隻霸道的病毒，周圍尋找宿主（virus seeking host），一黐埋宿主身上，初期會扮做禮貌××的益生菌，後來當佢發現自己好似有些內部影響力 ，就會露出霸道的邪惡本性，排斥其他益生菌，意圖入侵宿主大腦，操控宿主的思維。毓民是第一波宿主，......『熱血』是第二波宿主，陳云根病毒仲在潛伏初期，大家仲係禮貌××，不過遲d（啲）就有戲睇囉。」
燒埋「熱狗」 指篤數維生
「陳大文」在批評傻根期間，提到一句傻根現在投向的《熱血時報》，「Myradio 不像一些反骨媒體靠篤數維生，月費是觀眾真金白銀支付，Myradio也不像一些『網絡黑幫』強迫人課金。」
「熱狗前首領」狗達（黃洋達）之妻「禽獸慧」（陳秀慧）即留言道：「你都幾離譜，我地（哋）已經清楚解釋坊間果（嗰）啲所謂說法係呃人，係完全唔了解我地（哋）infrastructure（組織）既（嘅）抹黑黎（嚟），你講乜嘢篤數呀？......你自己同網民鬧交就鬧交，拉其他人落水公信力會大啲呀？」
「陳大文」就反擊道：「又來慣常『熱血黑幫』的手法，扮唔知、扮置身事外，已經好多人知道『熱血』是非團最大黑手其實就是你，來來去去所謂『水泥隊』只是三幾個『熱時』職員 + 無限分身鬼魂acc（賬戶）。陳雲現在淪為『熱時』僕人，不要緊，這是陳大師自己的選擇，但現在搞到誣衊作假說黃毓民助長和包庇『港獨』，這已超出政治立場問題，是『抹黑任務』。」
有關鬧傻根的帖子，連黃毓民也有轉發。呢場唔知幾多角嘅大戰，相信會越來越精彩。