■有網民批評鄭松泰從未交代選舉補助與按金「點射落海」。 fb截圖由於無王管，激進「本土派」經常搞網上眾籌但又毋須交代錢銀去向。有網民「爆料」，稱「熱狗」副主席「四眼」在去年立法會選舉時因為「太懶」，未有在限期內向政府申報選舉資助，令選舉補助連按金共30萬元「射咗落海」云云。「熱狗前頭目」狗達（黃洋達）之妻「禽獸慧」（陳秀慧）反擊對方惡意抹黑，並稱：「港島問題係行政失誤，唔關四眼事。」被恥笑即此事屬實，網民更揶揄「唔怪得『熱狗』猛咁叫人課金」。
「熱城」同「陳大文」打大交，又關「神駒」事？「陳大文」連發多帖還擊「熱城」，狗達為此發帖稱：「狐朋狗黨苦苦糾纏，造謠攻擊《PassionTimes熱血時報》幾個月至今還纏擾著（着），有說我們一直都不作還擊。其實我們只是還擊的方式不一樣......」狗達更稱自己「邊會理你嘅遠吠啫？」
陳秀慧「澄清」變相承認
一直被歸類為「本民青政狗」的「無敵神駒」仇思達，就批評狗達和禽獸慧「含血噴人」，「對於所有鐵證如山的指控一句不敢回應，僅以『造謠』試圖推搪過去，又當市民係白癡」，更力數「熱狗」的「六宗罪」。
他指稱，「熱狗」早前籌錢話要成立「熱狗仔隊」，但「出動」了幾次就不知所終，質疑他們以此名義籌得的193萬元款項「下落不明」；《熱血時報》收視篤數被揭發後，即以livestream企業版功能隱藏人數；蟲泰（鄭松泰）親口指「大眾係白癡」；利用親信參與「衝擊」，自己卻龜縮在後方；「清算」狗主（黃毓民）是「欺師滅祖」等等。
網民「Rugal K. C. Wu」就加上「第七宗罪」，稱「鄭松泰透露鄭錦滿選舉補助連按金共30萬『射咗落海』，但從未交代點射法......」「Michelle Chiang」就「爆料」指：「因鄭錦滿太懶惰、時間過咗冇得申請、益晒政府、好嬲！」
原來，根據法例規定，在立法會選舉中當選或取得5%以上有效選票而無喪失資格的候選人，均合資格獲得資助，資助金額為候選名單所獲的每票14元。禽獸慧急急發帖「澄清」，指「港島問題係行政失誤，唔關四眼事，有損失都係《時報》收唔返墊出黎（嚟）既（嘅）錢，我地（哋）承擔返，就係咁」。
被批猛叫人課金為填氹
仇思達當然追住來咬：「八婆陳秀慧抵唔住頸反駁，點知鬼拍後尾枕，×到×街！話說早前鄭松泰的『絕密錄音』中，提到港島鄭錦滿之選舉按金及資助『射咗落海』一事。八婆陳秀慧竟自爆屬實，辯稱係『行政失誤』、『有損失都係時報收唔返』。唔怪得『熱狗』猛咁叫人課金，大拿拿$315,770（22,555票 × $14）射×咗落海，真係該煨！市民啲捐款全部有血有汗，『熱血公民』就用啲捐款吃喝玩樂，家陣仲折墮到將啲捐款射落海。一個咁無承擔、不負責任嘅政黨，同你講話要『建國』，搵鬼信咩！」 ■香港文匯報記者 羅旦