（第一場）「笑眼光」剛戰終點前影相分勝負而飲恨獲亞軍，某程度係輸運氣多過實力，敗不足辱，拚後立即又再報名，擺明銳意收復失地，值得再追贏。
（第二場）「家樂駿駒」對上兩仗有相當勁支持票數，看來此匹北半球自購馬經已開始踏上起跑線，熱身後立即選擇增程部署正面，可以俾多次機會。
（第三場）「糖黐豆」剛戰於劣勢下仍能跑得第四名，論表現絕對不比三甲馬遜色，熱身後隨即折返強項兼強配人馬合拍的莫雷拉，擺明又是動食指時候。
（第四場）「有智者」此程看似嫌短，但若然季初藉新鮮感而縮程部署未嘗不可，新馬房為爭成績必盡拚，取其戰意旺盛，加上強配莫雷拉值得作首選。
（第五場）「幻影飛鷹」插班後三戰全上名，剛仗能力壓次役即補中的「紅星」奪亞，賽績冇花假，四歲仔質新未見底兼持續進步，勝利指日可待。
（第六場）「事必獲利」剛戰贏馬唔奇，只係估唔到取勝姿態竟能如斯輕鬆，七歲馬果真爛船仲有三斤釘，今仗升班釋重負或者會仲好，可博連捷。
（第七場）「實力飛駒」暫在港兩季首回合皆能報捷，從紙上賽績睇本身顯然蓄銳一擊特佳，埋門工夫積極，試閘直情贏俾你睇，跑法主動馬隨時又可賺形勢一放而回。
（第八場）「一道」移師谷草後試出彩虹，對上三次角逐此場地全勝，中年馬大器晚成其勢如破竹，評分高處未算高，繼續吼準首本程始上陣，顯見幕後有用盡一時意，一於繼續追。