■Cheap禎開口叫小麗老千讓路。 fb截圖稱「補選原則」有「優先」 網民估「自決派」推女落場
「補選近了，你們應當蒲頭。」宣誓風波令到立法會有6席需要補選，其中4席會喺下年3月11日選先，分別係香港島、九龍西、新界東地區直選，同埋「建測規園」功能界別。反對派之前聲稱要讓路畀無咗議席嘅「DQ4」，即係羅三七（羅冠聰）、小麗老千（劉小麗）、長毛（梁國雄）同埋姚松炎，如果佢哋唔去馬或者去唔到馬，就支持「DQ4」嘅「心水替身」，但就當同樣被DQ嘅「青症雙邪」的士梁（梁頌恆）同Cheap禎（游蕙禎）無到。原本對補選耍手擰頭嘅Cheap禎噚日唔嫁又嫁，叫仲上訴緊嘅小麗老千讓路畀佢哋嗰邊嘅人。而由於羅三七入咗冊選唔到，究竟佢喺港島嘅替身係邊個？網民就諗到一個「姦」字，都係不離3個女人：「香港眾志」常委周庭、羅三七女友袁嘉蔚，同埋最近突然殺出嘅香港大學學生會前會長梁麗幗。 ■香港文匯報記者 陳庭佳
事緣網媒《眾新聞》噚日出咗一篇文，字裡行間相信係「自決派」中人寫嘅，先叫人「放下黨派之爭」，但喺數臭完主流反對派、無視完「青症雙邪」、驚完「本土民主前線」西瓜琦（梁天琦）過到確認書過唔到旺暴審訊之後，就列咗幾個名做「心水參選名單」，分別係前「學民思潮」發言人張秀賢選新界東、小麗老千選返九龍西、周庭選港島、姚松炎選返「建測規園」界。
《眾新聞》出稿開路挨批
成篇文幫晒「自決派」吹奏，有網民就唔明《眾新聞》點解仲會出。好似「陳龍飛」就質疑：「請問《眾新聞》的編輯，這樣也是新聞？哪一間大學教你們這樣出新聞？哪一條新聞守則有教你們這樣出新聞？還是你們根本是政治宣傳媒體？」「Maxi Mo」就覺得佢哋做得太露骨，而「Hugo Leung」就唔妥個作者喺度洗讀者腦，「扮咩仁義道德大團結」，「Sim Leung」更加「讚」篇文「叫人放下黨派，然後點出心水，呢招夠狗」。
雖然作者唔知係「幕後高人」定係小嘍囉，但一有人名出咗嚟，就引到成班花生友玩「估領袖」。喺港島方面，「Anson Tang」話有傳梁麗幗或有意從政，相反周庭有案喺身，有入冊風險。但「Ray Lai」反駁話周庭根正苗紅係「眾志」成員，更加係河童（黃之鋒）同羅三七之後外媒曝光率最高嘅「眾志」中人；而袁嘉蔚亦有人估佢會參選。梁麗幗「極其量都只係前學聯系統」。
至於新東，「壹步燈天」就覺得應該畀「新民主同盟」咖喱飯（范國威）去馬，一嚟可以令主流反對派同意其他區畀「自決派」選，二嚟咖喱飯政綱「微傾『本土』」，三嚟坉羉漇Y「民主老人」，反之張秀賢活躍度同知名度都唔高，如果兩個人一齊落場會互相搶票。
去到九西，主角Cheap禎更加親身上陣，噚日喺facebook分享咗呢篇文，仲講到：「我相信我哋呢邊有人出選的時候，根據今次補選原則，小麗老師都一定會深明大義大局為重讓路嘅。大家話係咪？」Cheap禎咁講又唔係全無道理嘅，皆因小麗老千仲上訴緊，即係代表今次九西補選係選緊佢原先個位，不過佢似乎講白咗啲喎。「Mj Ledarkstar」話Cheap禎「打開口牌陣間又俾人大到」。Cheap禎就自抽：「我連牌都未洗，打空氣？」
不過，講咁多做乜吖，民主吖嘛，一於用最民主嘅方法，邊個有興趣就落場，到時大混戰食花生都食飽！