■何啟明先過老馮爆料話同「青症」傾？得返嚟嘅反應咪：「老坑你又分票呀？」 fb截圖參加明年3月舉行的九龍西補選的民協前立法會議員馮檢基，因「趕走」同黨何啟明霸位而被人揶揄「原來政壇也有關愛座」。佢近日唔知係咪轉性，話反對派應該搞初選，決定出戰人選喎！其支持者就要求同樣有意派員出選嘅民主黨回應，有人就將矛頭指向「青年新政」，要佢哋退出唔好累人，但也有網民叫馮檢基唔好戀棧權位。讓路畀年輕人，唔好害死香港咁講。
何啟明詐傻撩鴿分餅
馮檢基昨日以《團結非建制派，保衛立會議席》為題發帖，聲稱「威權政治壓境」，故「非建制派，不論黨派，應團結一致，展開對話及協調，進行初選，由最高勝選者應戰補選，......非建制派分途出擊只會鷸蚌相爭，建制得利！」
何啟明就唔知詐傻定扮懵，在轉發該帖時將說話塞落馮檢基個嘴：「基哥都同『青年新政』傾啦！」還標註「預埋你架（㗎）民主黨」。
此語一出，傳統反對派支持者似乎唔多Like。「Daniel Chan」說：「一票不投游蕙禎！」「Anson Tang」也稱：「首先要做的是一定要迫退『青政』，這也是九西唯一方法贏，否則出誰都死！」
不過，以乎馮檢基得罪人多過「雙邪」喎！「張偉言」道：「基哥又想出來分票，意圖做新西翻版......」
「Nicholas Louie」狠批：「簡直就係無恥，咁鍾意戀棧個位就唔該你改變吓自己先啦，......我2012年超區投咗你，你係第一個令我覺得投票後悔嘅人。」「Nick Lam」更稱：「你讓路畀後生啦，唔好害死香港！」 ■香港文匯報記者 羅旦