香港文匯報訊 （記者 梁靜儀）陳茵媺(Amiee)與湯怡昨日聯同電影《某日某月》導演劉偉恒到中環一間戲院謝票，Amiee透露早前與老公陳豪二人世界去睇該片，老公都有稱讚她，尤其是其中一場喊戲，Aimee自言好滿意該場戲：「拍時太投入角色，結果情緒爆發，喊到收唔到聲，可能做咗媽媽，多咗人生經驗，對演戲都有幫助，好老實講可以做得更好。」
Amiee表示希望可以嘗試演不同角色，問到會否夫妻檔拍戲？她說：「我覺得唔會好睇，又唔係唔考慮，觀眾唔會有興趣，始終觀眾睇戲都係想有幻想，太逼真就好似真人騷咁。(同其他男藝人拍親熱戲呢？)做戲係OK，要睇劇本需要。（演妓女都可以？）可以，最重要係劇本，我都想有更多唔同機會挑戰自己。」Amiee又指老公都好支持她，因大家都是演員，明白演戲沒有負擔才能演好角色。問到可有欣賞老公以前在電影中的激情戲？她笑說：「冇睇，唔敢睇，如果見到佢錫第二個女人，怕睇咗唔舒服，始終我係佢太太，不過我都會尊重佢事業上的空間。」
湯怡指電影口碑及評論比預想中好，上星期去謝票時，見到反應好更感動到差點喊了出來。她又大爆陳家樂日前睇完戲後眼紅紅攬着她喊，因電影令他想起初戀女友，當年因移民而分開，她說：「我識咗家樂十幾年，未試過在我面前喊，我都有點唔好意思。」