logo 首頁 > 文匯報 > 娛樂 > 正文

阿Sa被阿嬌短訊嚇呆

2018-10-15
■Twins於澳門開騷。■Twins於澳門開騷。

香港文匯報訊《TWINS LOL 世界巡迴演唱會》的終點站前晚於澳門舉行 ,終極最後一場,門票一開售已經秒殺,搶不到的在演唱會門外大哭,金光綜藝館外圍了數百沒飛進場歌迷,一直坐門外,求工作人員打開門讓他們齋聽歌。場內觀眾就熱情到爆炸,握手環節期間,蔡卓妍(阿Sa)突然大叫被Fans指甲刮到左手手背甩皮,仲搞笑話:「你們係咪淨係鍾意阿嬌(鍾欣潼),唔鍾意阿Sa。」

前晚阿嬌的老公,老爺奶奶及家人也有來捧場,阿Sa男朋友也有來支持,阿Sa話本來演唱會極受歡迎,很多地方也想她們再開多幾場,但她的聲帶一直未好,所以一定要休息養聲。最近除了演唱會兩人各有各忙,所以少時間見面,阿Sa話:「上星期阿嬌Send Message話好掛住我,我當堂打個突,我們平時都唔會講這些。」阿嬌就話:「我上完個真人騷《爸媽輔前班》之後開朗了,要強迫對住一班陌生人所以特別掛住你。」講到同老公賴弘國(Michael)一齊拍真人騷,阿嬌話:「今次節目都學到好多洁A起碼知道我老公會係一個好爸爸好有耐性,不過我們暫時冇計劃住,起碼兩年後。」講到來緊12月在香港舉行婚宴,阿嬌話:「現在準備中,因為我們仲未入紙排期,一搞掂好晒就會通知大家。」

讀文匯報PDF版面

新聞排行
圖集
視頻