■阿人借貓拉票被恥笑。 fb截圖被小麗老千（劉小麗）欽點做Plan B嘅「老人家」李卓人，可能為咗爭取多啲年輕人支持，近日就喺fb上載咗一張佢抱貓嘅相，話成日鬧人嘅囧銋窸ㄐu柔情似水」喎。不過，唔少人一睇張相，只係感覺到隻貓好唔情願俾李卓人抱咁囉，仲揶揄佢係借貓嚟吸票嘅政棍。
李卓人喺今次補選嘅選舉宣傳，可能因為用咗小麗老千團隊，所以顯得非常堅離地，包括好似《小丑回魂》裡面個小丑咁手揸氣球，仲用正常人聽唔明嘅所謂「守護平凡的幸福」做口號。
肉麻「滲出嚟」「似劏貓」
近日，佢個團隊仲喺伭b賣感性，話李卓人早幾日去北角碼頭時見到隻貓仔，仲好肉麻咁話李卓人抱貓時「滲咗啲柔情出嚟，好似抱孫咁呵護隻貓仔」。
香港文匯報「忠實讀者」「JoJo Wu」就cap佢圖發帖恥笑佢：「李卓人已經要淪落到要借貓貓嚟拉票。」磨擦力強嘅「Keith Lau」喺留言度就看圖「作文」：「（相中）貓腳撐開顯示貓貓好抗拒李卓人。」
「Eric Chan Chi Hong」形容，李卓人個樣「似條醉酒佬想劏隻貓咁」。「福明」也道：「氣氛好尷尬。」「陳秀珠」就好似感同身受咁：「喵表示：眼淚 在心裡流......」「Mui Ying Ling Allard」直言：「香港的政棍最愛借貓來消費貓民，博好感！」
■香港文匯報記者 陳川