■郭偉強玩句式仿作朱凱廸嘅言論。 郭偉強fb截圖「自決派」朱凱廸被DQ冇得選村代表，佢口口聲聲話自己唔支持「港獨」，但支持其他人可以「港獨」作為「自決前途」嘅選項，仲覺得要佢反對「港獨」係「打壓」喎。咁嘅語言偽術，工聯會立法會議員郭偉強都睇唔過眼，噚日就喺facebook度仿作句式話︰「本人不會在立法會主動向朱凱廸提譴責動議。但若有人提出動議，我都會支持。咁我係支持譴責，還是反對譴責？」
明明個邏輯都好清晰，但有反對派支持者就係諗唔通，曲線當真心，仲留言鬧郭偉強𠻹︰「咁樣即係『無立場、假建制』，一副舉手機器，你有無覺得辜負了市民對你既（嘅）支持及祈（期）望？」
「Fung Chan」就忍唔住同郭偉強講︰「郭生，你講嘢咁覆（複）雜，果（嗰）啲黄色網軍睇唔明架（㗎），睇留言就知佢哋智慧有幾低啦。」 ■香港文匯報記者 甘瑜