■「新聞噏乜9」寸《蘋果》「國際零視野」。 fb截圖美國政府「一聲令下」，香港各反對派中人就即刻埋位，包括抹黑華為。香港《蘋果日報》近日就引述咗台灣嘅報道，話「華為台灣」嘅facebook粉絲專頁按讚粉絲數量「竟然」有5,549萬人，係成個台灣人口嘅兩倍，仲大字標題借網民把口質疑話係「『強國』用『分身』侵台」咁話。不過，有人就踢爆話facebook其實早喺幾年前推出咗全球粉絲專頁（global pages），「唔同國家（或地區）嘅用戶會見返當地嘅內容，不過Like數係全球總人數」。有網民就狠批《蘋果》誇張失實，只有唔用腦嘅「港豬」先會信。
曲解點讚機制 全球量入台數
話說香港《蘋果》近日引用咗台灣嘅消息，用「華為台灣fb按讚逾全島人口兩倍 網民：『強國』用分身侵台」嚟做標題，內文就引用有台灣網民「踢爆」，話「懷疑」華為「買點擊率」，而「證據」就係「華為台灣」嘅facebook粉絲專頁按讚嘅粉絲數量有5,549萬人，但全台灣人口只得2,300萬人，質疑華為喺fb專頁造假。喺篇文最後，就輕描淡寫補一句「另有人猜測這應該是全球國際讚數的累計數量」。
唔少唔用腦嘅「港豬」以及台灣網民都輕易就中咗《蘋果》標題黨嘅計法，紛紛留言話「中國成日造假」、「唔假先奇」，包括前《蘋果》記者、現商台節目主持人潘小濤等。自稱「台灣通訊業的資深老兵」嘅「小丰子」就喺妘☆車瑹袙蟳z，話Samsung台灣嘅粉絲專頁按讚人數有1.59億，係台灣人口嘅6.9倍；Asus台灣嘅粉絲專頁按讚人數係2,660萬，係台灣人口嘅1.15倍。
點解會出現咁嘅情況？「小丰子」話，facebook早喺2012年10月17日推出咗全球粉絲專頁（global pages），等啲跨國企業同品牌針對世界各地的顧客打造在地化嘅內容版本，而且可以共享一個全球性嘅品牌名稱、粉絲總人數、短網址和整個粉絲群嘅全球性洞悉報告。
佢話，Samsung、華為、Asus......都係跨國企業，大都使用咗facebook全球粉絲專頁功能，「所以其在台灣粉絲專頁的按讚數是其全球粉絲專頁按讚數的加總，超過台灣人口數並不奇怪。」
「小丰子」最後感嘆道：「台灣民眾熱衷政治，有些爭議，只要牽涉政治觀不同，只有信仰不必真相。華為台灣粉絲團5,500萬人按讚是否造假，只能說『信者恒信、不信者恒不信』。」
「零視野」引恥笑 網民批白癡
香港嘅fb專頁「新聞噏乜9」亦以「國際零視野」為題，轉發咗《蘋果》呢單新聞，仲解釋：「facebook 有個功能叫做Regional Page，唔同國家（或地區）嘅用戶會見返當地嘅內容，不過Like數係全球總人數。」
網民「Max Jacob Kwan」指出：「其實你搵華為香港都係五千五百萬，呢個似係全球數。搵啲海外朋友試下search Huawei USA , HUAWEI UK 估計一樣。」「Sagat Lee」就狠批：「蘋果誇張失實的報導（道）+一個唔用腦思考一下的資深傳媒=一班人講咩佢信咩既（嘅）『港豬』。」「Daspider Sin」亦話：「證明（潘）小濤同蘋果一樣，都係social media白痴（癡）！」 ■香港文匯報記者 陳川