【資料速遞】時時精綵締三連霸

2019-02-15

七九年第一年舉辦香港金盃，星期日將會嚟到第四十一屆，自從九一至九二年馬季，佢成為三冠長途大賽其中一關之後，當中廿七匹冠軍，五歲馬贏得最多，一共有十五屆。睇番今年十一隻參戰馬，有五隻馬係五歲，邊隻好啲？「歡樂之光」雖然贏咗今季國際賽香港盃，但又有機會同大佬「馬克羅斯」鬥燒，過往佢哋邊隻貼到欄邊隻好，沿途際遇隨時有變，唔敢講邊隻好啲，反而「時時精綵」喺香港十一次跑千八以上從未甩過前四名，早前先捧香港瓶再贏百週年紀念銀瓶難度極高，加上今季只用過三次A加3跑道，偏差唔大，似乎有機會再贏。