■鴿廷同區鴿，臨近選舉浮吓水。 fb截圖反對派政客最令人心寒的是，口中說一套，做的就是另一套。蓮塘口岸即將啟用，民主黨新界東立法會議員林卓廷，及其「馬仔」、祥華選區區議員陳旭明，近日就在街頭擺站，反對在祥華邨等屋苑附近設置蓮塘口岸接駁巴士站，以免「對居民生活造成滋擾」。不過，有當區居民就踢爆，北區區議會交通及運輸委員會有兩次會議討論過蓮塘口岸啟用後對交通及當區的交通影響，其中一次陳旭明就缺席會議，第二次則無提出任何提案或反對，批評他們只是為了選舉而出來做show。 ■香港文匯報記者 陳川
身為北區區議員的陳旭明聯同林卓廷於近日發帖，稱蓮塘口岸連接路最快會於本月下旬通車，「規劃中，將會有3條巴士線、1條專線小巴線和旅遊巴士服務連接口岸。其中一條巴士線將全日服務並於粉嶺市中心設站，鄰近祥華邨、粉嶺中心、粉嶺名都等多個屋苑。」
市民恥笑冇建設性建議
他續稱：「運輸署建議的巴士線未有作充分地區諮詢，而且站點鄰近多個屋苑，擔心自由行旅客將對居民生活造成滋擾，......我們......反對口岸接駁巴士站點設於民居附近；要求運輸署延遲口岸巴士設站計劃；要求運輸署儘（盡）快充分諮詢地區意見並交代路線規劃」，等等。
網民「Grey Chiu」質問道：「反對好容易，但有無好嘅建設性建議？巴士唔停𠵱度，咁應該停邊度？粉嶺南？聯和墟？定係直接要粉嶺區無站，要放去上水大埔？可以一刀切排除所有粉嶺有居民需要𠵱條線？定將所有問題推去其他區就得？」
被考古喪缺席 今我打昨我
不過，「Mavis Kong」就更直接，考古道：「林卓廷出post話反對經蓮塘口岸啲巴士站設喺民居附近......回顧2015年蓮塘口岸追加撥款，『民主派』同建制齊心協力通過撥款，同前日東北撥款結果一樣㗎。唯一唔同係15年你林卓廷仲未入到去立會，你啲黨友就缺席助攻，今日你入到去喇，就直接投贊成。口裡說不，身體誠實，因為區議會選舉近了。」
佢其後再發帖踢爆：「根據北區區議會交通及運輸委員會嘅會議記錄，只有兩次會議有討論有關蓮塘口岸交通及本地交通影響，其中一次陳旭明缺席會議。而有出席會議嘅嗰次，佢並無提出任何提案或反對。而林卓廷亦只有提出表示關注上水交通不勝負荷。」
「Jacky YC Leung」指：「 肯定擺過上議會傾，當日區議會傾又唔發表意見又唔代諮詢街坊，到招標成事先講？」「Germaine Lee」亦道：「北區區議會最少討論過兩次，根據會議記錄陳同林都有出席，點會係『無諮詢』？」「Sunny Wu」批評：「批線既（嘅）時候唔見你地（哋）攞出黎（嚟）講？後知後覺！」
「Takenouchi Katie」直指要害：「點解起好先嚟嘈？」「Winglun Tam」回道：「因為就黎（嚟）選舉囉！」「May May Lam」亦揶揄：「林生話搵食姐（啫）！」
「Hokchung Cheng」就翻林卓廷舊賬：「林生自己地頭未搞惦（掂）仲愈搞愈衰，仲差（叉）隻腳去人哋區？」「So Siu Hong 」恥笑道：「根據你地（哋）攪上水水客嘅往績泥（嚟）睇，粉嶺水客問題應該會俾你地（哋）搞到愈泥（嚟）愈大。」