■何雁詩與姜麗文大方合照。香港文匯報訊（記者 梁靜儀）何雁詩、姜麗文、黃祥興、關楚耀及趙希洛等前晚為無綫節目《娛樂大家》進行錄影，因節目將於萬聖節播出，眾人以萬聖節造型現身。何雁詩與姜麗文分別為鄭俊弘的現任女友和舊愛，她倆碰面大方合照，更稱不尷尬，姜表示與鄭俊弘雖已分手但都會祝福大家，不會有負面感覺。
因鄭俊弘而扯上關係的何雁詩與姜麗文，首次合作節目，兩人亦有大方合照。何雁詩受訪時表示跟姜麗文以往在不少大型綜藝節目上曾碰面，但合作則是首次，她帶笑說：「冇尷尬，都知道要做訪問同合照，都有同佢講聲，大家同一間公司，始終都會見到。」問到可有傾到鄭俊弘？她直言不會特別傾，否則就真的會尷尬，而事前亦有跟男友提及會同場，但他沒什麼反應。
談到玩遊戲，何雁詩透露最近跟鄰居學懂打麻雀。問到學懂後是否跟男友父母聯誼？她笑說：「大家有共同嗜好都好嘅，啲人話牌品好等於人品好。（你牌品好唔好？）仲打得好慢，未有牌品。」她又稱近日愛上煮飯，六個人飯菜也難不倒她，只是還未識煲湯，試過出埠工作煲魚湯，忘記先煎一煎條魚，結果成條魚溶掉，自己也不敢喝，但拍檔黃建東試味後竟說好味。
以「魔女Look」現身的姜麗文，對於與舊愛鄭俊弘現任女友何雁詩同場，她大方笑說：「事前都知，冇所謂啦，講真大家都咁開心，都想世界和平，開開心心，我現在同柏豪（現任男友）好開心，同佢（鄭俊弘）都已經係舊聞，大家仲有聯絡，都係傾隻狗，但就冇約出來見面。雖然已分手但都會祝福大家，大家冇負面感覺，算係hi bye friend。」她又自爆為了上遊戲節目，事前上網搵貼士並跟男友試玩了兩次，兩個回合都是她贏，如果贏錢都會跟男友對分。
黃祥興考慮結紮
黃祥興日前宣佈太太第三度懷孕，他表示太太已懷孕六個月，預產期是明年一月底。祥興笑說：「我哋都想趕生豬B，（開刀生？）係，因為上兩胎都係，今次應該係最後一個喇，本來都冇諗住，但佢嚟到我哋梗係歡迎，（之前話考慮結紮？）如果唔係太痛太複雜都會，而且聽講男性絕育，有需要嘅話可以解返開。」
祥興坦言擔心太太日後要照顧三個小朋友吃力，所以已找媽媽幫手湊孫，本來媽咪已退休過休閒生活，幸好她肯幫手。